"Қайырымдылық көмек"

Медеу ауданы  Ш. Уәлиханов атындағы № 12 мамандандырылған гимназияның жас мамандарының тәлімгері, гимназия тренері Дүйсенбаева Мөлдір Үсенқызының жетекшілігімен, гимназияның 30 шақты жас мұғалімдері  №47 жалпы білім беретін мектептің көпбалалы 1отбасына қайырымдылық көмек көрсетті. Мөлдір Үсенқызы, Алпысбай Асел, Теңізбай Қарагөз, Сайлаухан Абылай арнайы келіп, пәтер жалдап тұратын көпбалалы, тұрмысы төмен 1 отбасына бір айлық пәтер ақысын және азық-түлік алуына қаражат берді.

Сонымен қатар, директордың тәрбие ісі жөніндегі орынбасары Жетписбаева Лариса Уатаевна өз тарапынан осы көпбалалы отбасына қаржылай қайырымдылық көмек көрсетті.  

№47 жалпы білім беретін мектеп ұжымының және көпбалалы ата-ананың атынан Ш. Уәлиханов атындағы № 12 мамандандырылған гимназияның, жас мамандарына, қайырымдылық іс-шараны жас мұғалімдер арасында ұйымдастырып, ұйытқы болып жүрген Мөлдір Үсенқызына, Лариса Уатаевнаға айтар алғысымыз шексіз. Қасиетті рамазан айында жасаған ізгі амалдарыңыз қабыл болсын! Отбасыларыңызға амандық, дендеріңізге саулық тілейміз!